دقيقه من وقتك وانتبه من فضلك هل تعلم..... إن.... عادل إمام مش زعيم و عمر الشريف مش عالمي ومحمود عبد العزيز مش الساحر و فاتن حمامه مش سيدة الشاشه و ناديه الجندي مش نجمة الجماهير وعبدالحليم حافظ مش عندليب و أم كلثوم مش كوكب الشرق وتامر حسني مش نجم الجيل وعمرو دياب مش هضبه و محمد منير مش الكنج و لاهاني شاكر أمير الغناء رشدي أباظه وفريد شوقي ونور الشريف وإلهام شاهين وليلى علوي وسمير غانم ونبيله عبيد وأحمد ذكي وغيرهم وغيرهم مش نجوم مجمتع ولا ليهم أي قيمه حقيقيه ياباشا . كل دي ألقاب وشهره خدوها علشان يعظموا الناس دي في عيونكم وتقتنعوا فعلًا إنهم ليهم قيمه في الحياه رغم كل الضلال إللي أظن إن كتير منهم عايش فيه. دول مش نجوم مجتمع سَوِيّ أبدًا ولا ينفع دول يكونوا واجهة مجتمع أساسًا دول كل حياتهم ضلال وعربده ودياثه وفساد وجهر بالمعاصي وتسميتها بغير إسمها. كل واحد من دول وغيرهم وغيرهم كتير له قصص طويله من الوساخه والدياثه وقلة الدين ونقص المروءه... لأن الوسط الفني ده كله مش زي مابيصوروه لنا من زمان أنهم النجوم والصفوه بالعكس ده أوسخ وأحقر فئه في المجتمع . كذبوا عليك وإنت صدقت لما قالولك زمن الفن الجميل والسينما النضيفه والكلام الهايف ده ... لأن المشكله يافندم مش في الأشخاص دي المشكله في المبادئ إللي هما اتربوا عليها وإللي منها إنك لو ماكنتش فاسد ووسخ وديوث مش هتوصل للنجاح والشهره والفلوس. بكررها تاني هؤلاء وغيرهم وأغلب إللي في الوسط الفاسد ده مش سوبر ستار هؤلاء أناس فاسده ومجاهره بالمعصيه وبيستحلوها وبيسموها بغير إسمها . وأخيرًا علشان الناس الكيوت الأمامير اللي هيزعلوا من حِدة الكلام ياجماعه أنا بقول واقع ميقدرش أي حد ينكره إلا صاحب هوى شوف أي واحد من إللي بتسموهم نجوم وشوف حياته ومغامراته إللي بيفتخر بيها في شبابه وشوف لبس بناته وتربيتهم بل وشوف زوجاتهم إللي كانوا بيمثلوا في أحضان ممثلين تانيين وهما بيصفقوا بحراره للمشهد الجميل وشوفوا سُكرهم وعربتدهم وأعتقد إلى حدٍ بعيد إنكم عارفين الكلام دا إصحى معايا وقبل ماتعلق إفهم إن أنا مابحكمش على حد منهم بجنه أو نار دي حاجه ربنا هيحاسبهم عليها لكني حبيت أهدم الصوره اللي ناس كتير للأسف رسماهم في ذهنها للي بيقولوا عليهم نجوم مجتمع🙂
Sign in to join the conversation